Á Túa Disposición
Recursos,
axudas e espazos
Todo o que o CIM pon ao teu alcance: a Casa Xohana Torres, axudas e recursos sociais, guías de recursos, plans de igualdade e o Premio Xohana Torres para impulsar o coñecemento sobre as mulleres en Galicia.
RECOÑECEMENTO
Premio Xohana Torres
Desde 1993, o Concello de Santiago recoñece anualmente obras de investigación, ensaio e creación audiovisual sobre as mulleres na sociedade galega.
Co Premio Xohana Torres busca visibilizar traballos históricos, políticos, científicos, literarios ou artísticos centrados na participación social das mulleres en Galicia.
CONVOCATORIA ANUAL
2500 €
por modalidade
ESPAZO E RECURSOS
Casa das Mulleres Xohana Torres
Inaugurada en 2017, a Casa das Mulleres Xohana Torres é un equipamento municipal de referencia para as mulleres e o colectivo LGBTIQ+ de Santiago de Compostela. Un lugar aberto para reunirse, reflexionar, crear redes e impulsar proxectos que avancen cara á igualdade real.
Ofrece atención presencial e en remoto de luns a venres, de 09:00 a 19:00 h, con programación propia de actividades relacionadas coa prevención das violencias machistas, educación e saúde sexual, interseccionalidade e autocoidados.
RECURSOS SOCIAIS
Prestacións e axudas dispoñibles
Recursos económicos de ámbito municipal, autonómico e estatal aos que podes acceder. O equipo do CIM pode orientarte no proceso de solicitude.
MUNICIPAL
As persoas beneficiarias estarán exentas do pago da cota mínima polo mantenimento do servizo de auga, saneamento e lixo.
A renda municipal de garantía básica cidadá é unha prestación económica, extraordinaria, temporal e vencellada a un itinerario de inclusión cidadá, prevista para persoas en situación de vulnerabilidade social e/ou en situación ou risco de exclusión social dirixida a que cada persoa poida facer real e efectivo o seu dereito a un nivel de vida adecuado que lle asegure, así como á súa familia, a saúde e o benestar, e en especial a alimentación, o vestido, a vivenda, a asistencia médica e os servizos sociais necesarios.
Concesión de bolsas para comedor, adquisición de material escolar e realización de actividades extraescolares ás unidades familiares e de convivencia do concello de Santiago de Compostela que teñan persoas menores de idade ao seu cargo escolarizadas en centros docentes públicos ou concertados sostidos con fondos públicos de educación infantil (segundo ciclo) e de educación primaria obrigatoria do concello de Santiago de Compostela.
Expedición dunha tarxeta magnética personalizada exclusiva para persoas en carencia de recursos ou en situación de vulnerabilidade, persoas con discapacidade, persoas maiores de 65 anos e persoas menores de 65 anos que sexan pensionistas.
Considéranse prestacións de rescate social, para os efectos da presente ordenanza, ao conxunto de prestacións económicas de carácter extraordinario e puntual, subsidiarias e complementarias dos servizos sociais previstos na lexislación vixente, destinadas a atender situacións de urxencia sobrevidas que afecten a persoas ou unidades de convivencia que non poidan facer fronte a necesidades básicas.
Podes tramitar a túa solicitude a través da sede electrónica do Concello de Santiago de Compostela, facendo clic aquí:
AUTONÓMICA
Axudas económicas de carácter periódico para mulleres vítimas de violencia de xénero.
Axuda económica dirixida a mulleres vítimas de violencia de xénero que teñan especiais dificultades para obter un emprego.
Concesión de axudas do programa Emega para a posta en marcha, a mellora e a reactivación de iniciativas empresariais constituídas por mulleres.
Axudas económicas a orfos/as por violencia de xénero.
Prestación pública destinada a garantir recursos económicos de subsistencia.
As mulleres vítimas de violencia de xénero, así como os seus fillos e fillas, teñen dereito á exención do pagamento dos prezos públicos por servizos académicos en calquera das universidades de Galicia.
A concesión das axudas previstas no artigo 27 da Lei orgánica 1/2004, do 28 de decembro, de medidas de protección integral contra a violencia de xénero, e no artigo 43 da Lei 11/2007, do 27 de xullo, galega para a prevención e o tratamento integral da violencia de xénero.
A concesión da axuda prevista no artigo 41 da Lei orgánica 10/2022, do 6 de setembro, de garantía integral da liberdade sexual e a súa convocatoria para o ano 2026 para proporcionarles apoio económico ás mulleres vítimas de violencias sexuais.
As axudas do bono de alugueiro social están destinadas a atender, con carácter urxente ás vítimas de violencia de xénero, persoas obxecto de desafiuzamento da súa vivenda habitual, persoas sen fogar e outras persoas especialmente vulnerables.
Podes tramitar a túa solicitude a través da sede electrónica da Xunta de Galicia, facendo clic aquí:
ESTATAL
Axuda económica estatal que se lles recoñece ás mulleres vítimas de violencia de xénero que estean desempregadas.
A través do Fondo de Garantía do Pago de Alimentos garántese o pagamento de pensións alimentarias recoñecidas e non pagadas.
e non pagados.
Axudas públicas en beneficio das vítimas directas e indirectas dos delitos dolosos e violentos cometidos en España.
Servizo telefónico de atención e protección para vítimas de violencia de xénero a través dun dispositivo electrónico de teleasistencia que permite que as usuarias poidan entrar en contacto en calquera momento cun centro atendido por persoal especificamente preparado para dar resposta adecuada á súa situación persoal.
Podes tramitar a túa solicitude a través da sede electrónica do Goberno de España, facendo clic aquí:
GUÍAS E RECURSOS
Documentación ao teu alcance
Materiais elaborados por administracións públicas para achegar información práctica sobre recursos e dereitos.
Guías
Guía de linguaxe non sexista
Xunta de Galicia | Ferramenta para uso de linguaxe non sexista en contextos institucionais e persoais.
Guía para o uso dunha linguaxe máis inclusiva e igualitaria
Ministerio de Xustiza | Ferramenta para uso de linguaxe non sexista en contextos xurídicos.
Guía de recursos fronte á violencia de xénero en Galicia
Xunta de Galicia | Mapa de recursos e servizos de atención para mulleres en situación de violencia de xénero.
Guía de recursos fronte á violencia de xénero en España
Ministerio de Igualdade | Mapa de recursos e servizos de atención para mulleres en situación de violencia de xénero.
Guía para a atención de mulleres con discapacidade vítimas de violencia de xénero
Xunta de Galicia | Ferramenta para a detección, atención e acompañamento de mulleres con discapacidade en situación de violencia de xénero.
Barómetro Xuventude e Xénero 2025. Adianto de resultados: violencia de xénero
Centro Raíña Sofía | Percepcións e vivencias da xuventude ante a violencia de xénero.
Protocolos
Itinerario de actuación do CIM
Concello de Santiago de Compostela | Procedemento de intervención ante situacións de violencia de xénero.
Protocolo Troula Segura
Concello de Santiago de Compostela | Prevención e actuación fronte ás violencias sexuais
Protocolo marco de atención á violencia de xénero
Xunta de Galicia | Coordinación institucional na atención a vítimas de violencia machista
Protocolo de actuación contra as violencias sexuais e LGBTI-fóbicas en eventos e espazos festivos
Xunta de Galicia | Prevención e resposta ante situacións de violencias sexuais e LGBTI-fóbicas en contornos de ocio e eventos.
PLANS DE IGUALDADE
O compromiso institucional do Concello
Os plans municipais de igualdade recollen os obxectivos e accións do Concello de Santiago en materia de igualdade entre mulleres e homes.
Diagnose sobre desigualdades de xénero
Territorio de Mulleres — estudo de base para as políticas de igualdade
2015