Clube de bordado: dúas edicións
A Casa Xohana Torres acolle a inauguración da exposición que reúne os traballos realizados polas participantes das dúas edicións do Clube de Bordado, coordinado por María Arufe.
Agulla e fío para resignificar memoria dende a óptica feminina
O acto contou coa presenza da alcaldesa de Santiago de Compostela, Goretti Sanmartín, que acompañou ás participantes neste momento tan especial. Durante a inauguración, as propias participantes compartiron como viviron o proceso creativo, explicando as historias e reflexións que inspiraron as súas pezas. Así puidemos ver que detrás de cada fotografía bordada hai tamén memoria e unha mirada persoal.
